吳祿長老的小傳
 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

郭朝成記《台灣教會報》 569 19328 .p.18-19

按:吳祿長老是是吳捷陞(又名吳連)長老的父親,是吳天賜牧師(1898-1957) 的祖父,吳夢麟牧師的曾祖父。


祿叔,出世ti7斗六平民e5家庭,歷過真濟艱苦。 到壯年e5時,賺歹風俗,嫖、賭、飲,三字全,也學做戲,伊e5弦仔hia gau5挨,是tui3做戲得著e5

對伊e5放蕩,身軀帶症頭,經過偌濟醫生,無法得,腹肚脹大若準婦人人有娠。 有人報伊去茄苳仔(西螺)拜堂,買西藥,聽道理就會好。 一下聽著道理真歡迎。 逐禮拜往回4鋪路去禮拜,身軀雖是帶病也無嫌艱苦,歡喜去。 Hit時吐瀉e5症大流行,濟濟人染著,續死。 祿叔也著,毋旦無死,腹肚續消消去,無久身體勇健。 決心做主e5學生,祿嬸也做熱心e5基督徒。

近來伊e5身體較lam2 e5大孫吳天賜牧師,今年轉任台中教會。 祿叔轉地療養來台中。(1932)51號主日,猶kap眾信者聚集禮拜,禮拜暗也好好。 2號頂晡就安然轉去天父兜。享壽78歲,信主滿50年久。 4號佇台中拜堂做告別式。 劉振芳牧師主理。 會葬者幾若百人。

今記幾若項伊生前e5好處ti7下面,減采會通做大家e5利益也ku2-kaN

  1. 致意守禮拜 祿叔守禮拜,是非常嚴謹,伊是市場內生理人,好景氣e5時,一日賺幾若箍銀,伊無予財利所迷去,逐禮拜是停業專守。 頂年伊常常對我講,「我信主45年久,干單為著破病兩禮拜無到拜堂若定。」 列位兄姊,親像chiah專守禮拜人,咱台灣毋知有幾人?

  2. 勤讀聖經 祿叔自幼無無讀冊,漢文捌無幾字若是白話字,寫kap讀是熟熟,外冊伊較無愛看,若是讀聖經是比食飯較要緊,ti7生理場,ti7厝內,ti7車內,不時讀,新舊約毋知讀破幾十本。 伊聖經e5熟,若準百科全書。 Hia e5重要e5經句,舊約篡新約,新約篡舊約,幾章幾節,經言熟熟無錯。 到拜堂就共傳教師考聖經。 濟濟人見笑輸伊。

  3. 熱心佈道 祿叔信主了後,殷勤經商,倚40年久,逐日ti7市場做生理(禮拜日以外)。 雖是隔壁庄也幾十年毋捌到。 到最近十年間,態度變,將生理交代第2囝。 就到逐庄佈道,手挨弦仔,嘴歕啡仔,腳踏碻仔,3項齊作招人來聽道理,tui3早起到暗,無嫌sian7 前用hia e5樂器做魔鬼e5路用,後來做傳福音e5器具。

  4. 喜心慈善 祿叔對自己,非常刻己節儉,食bai2穿凊采。 若是獻金ti7慈善是真甘願。 教會e5經費,傳教者e5薪金,起拜堂,是幾箍,幾十,幾百。伊e5家族,也濟濟人學伊e5款,刻己獻金ti7教會。

  5. 好款待人 祿叔對逐任e5傳教者,m7kap in衝突,m7捌批評in e5長短,以禮相待。 伊當執事kap長老幾十年久,不止盡忠,予人無僥疑。 前拜堂boe7起,是伊e5厝做拜堂。 Hit時火車boe7開通。 南北e5兄姊tui3 hia經過,投歇ti7e5家,伊e5飯桶真大的,隨在人食,眠床真大頂,隨在人睏。 kap家族是以禮相待,m7捌顯出無歡喜e5面。 有亞伯拉罕e5模樣。

  6. Gâu 哉培囝孫 祿叔本身無經過學校,書房。 總是栽培囝孫是非常關心。 e5子女、男孫、女孫較濟有經過公學、女學、產婆學、中學、神學。 現時ti7社會教會teh活動。 e5大孫,吳天賜君,是傳教界有用e5人物。 這是予祿叔最得意,含笑ti7天堂。

今伊e5工已經明白,向望伊e5後進,會接續序大人e5腳步,來關心ti7教會。 阿們。


 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述