在主後1881年的時候，斗六有一位信徒名叫吳祿，人稱之為祿兄；他6歲失父，9歲喪母，依其姑母而食，28歲接受福音。年輕時代不幸患臌脹病(腹肚蓋大),行動甚為不便(行路的時，一手攏褲，扶腹肚，一手拿拐仔)，但是每逢星期日(安息日)，必扶拐行遠路，到西螺之茄苳仔做禮拜。他雖不就學，後來勤習白話字與漢字。祿兄傳福音於家中，但為祿嫂大加反對，並加以迫害，然而祿兄堅心不移他猶原敬拜上帝。
有一次適端午節(五日節)，祿嫂臺宰辦
chheN-chhau
孝神明，就勉強他舉香拜神。祿仔兄到此心內大困苦，身軀雖然愛趁，心內直直求上帝赦罪，拜明白，祿嫂教他吃孝的幾個物他就吃，彼瞑著漏吐症，真傷重，有發熱，自己吃一些粳仔粉。天光踞在路邊，朋友看見就說：「鹿仔你的腹肚對哪裡去？」腹肚消了去，伊婦仁人大奇怪，對安尼就信救主耶穌，尪某同心拜上帝，將伊的厝獻給教會起拜堂，鹿仔兄的並完全好。現時的西螺禮拜堂前是在茄苳仔，當時張文進先生在彼作傳道。
祿兄原本的職業是在hoan布袋戲的後坪，噴鼓吹，下弦仔。因為去禮拜煞無頭路。無錢要給教會的人借，人不敢借他。要作戲，人不請。在彼時有一個唐山客在伊兜吃。鹿仔兄無錢連一口銅鼎仔也拿去賣三百外錢。唐山客教他作鹹酸甜的法度，後來對彼起家。無論誰人到伊兜，他就講：「兄弟啊！著信，也著行。我一口銅鼎仔吃到今仔日」今改途製造鹹酸甜有出名，禮拜日絕對無賣鹹酸甜，朋友雖然對遠路來愛買，也不賣他，照數會提送他，又在拜六所賣的錢攏獻給教會。白話字的聖經新舊約他讀真熟。台灣敢無（或許沒有）會友親像他的熟，卡濟歲的時，四界去傳福音，嘴噴必仔（pi-a）手下弦仔，腳打碧（kha-pha-phek），招人聽福音掠這作快樂。
有一日吳天賜牧師對台中來拜探阿公，老人彼時身體無快活，愛與孫仔去台中。他講你若身體有卡好，我才來領你。鹿兄後來有去台中，與甘仔孫（曾孫）去公園戲玩。最後三日久攏吟「天堂攏無苦難」彼首詩，歡歡喜喜。日暗去睏，天光攏無起來，四代孫來講「阿祖尚在睡」天賜講「不可打醒」少停囝仔來報「阿祖恬恬」囝仔的老爸去看講「阿公安然歸天」醫生診斷心臟無力。享壽78歲。
