花蓮港梁阿海長老

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

高端莊  
梁阿海(1872-1935),梁阿亮長老之次子(兄弟有梁阿辛、梁阿桃。梁阿浪、梁阿鐮),在花蓮港耕農。1918年任花蓮港教會長老,至死。有小傳見於《台灣教會公報》 606卷,1935年9月 p.23-24。由白話字翻寫為漢羅臺文如下:  

 故梁阿海長老

梁長老ti7 A D.1872年出世ti7 新竹州下e5北埔庄。1902 年對吳威廉牧師(Rev. William Gauld)受洗禮;30年前全家族就搬徙來ti7花蓮港耕農,直接、間接鬥建設教會ti7花蓮港。1918年受揀當本會花蓮港教會)e5長老;經過幾若任,到ti7今仔日。

伊有5個兄弟,3個小妹,大家是熱心e5信徒,伊e5兄弟攏bat當職ti7本會。現時家族有80外個,雖然是大家族,總是大家真協和,親像1個小社會,koh也是做本會e5大氣力。

e5先父梁阿亮是北埔教會初代熱心e5長老,伊e5遺族會thang繼續ti7教會內teh 活動toe3 in序大人sui2 e5腳步,實在是真希罕。

阿海長老有11個子,內外孫有20外個,有e5(梁阿湖做醫生,也1梁阿標是現任e5執事,兼做主日學e5校長,koh再有得著文學士e5學位。以外有e5到中等學校,濟濟是做社會中e5有力者,算真相當e5家庭。

伊平素是真勇健e5人,起頭是對小可e5病起因,無扑算病勢變化hiah緊,koh再發生合併症;雖然長老娘kap伊子;專精神無睏、無食來顧伊,頭尾入院月外日。若是上主e5旨意ti7 620日,煞伊世間e5工,享壽63歲,hite5會葬者有400外個。

ti7地上有幾若項thang數念伊:

  1. Ti7病中gau5体貼艱苦人:m7 - bat顯出艱苦,所顯出是歡喜e5面;常常對顧e5人講,伊e5心真平安真自由。

  2. 精神結連主:Ti7病中ai3kap伊吟詩、祈禱,幾若擺到ti7真危險,也會出聲kap人吟詩,同心kap人祈禱。這無m7是對有結連ti7 主,才會thang 看出這款。

  3. e5做人:是溫柔、和平、仁愛,對家庭是勤儉、kut力、樸實。Ti7 家庭m7 bat-生出不和e5聲。Ti7社會中是信實,hou7人叫做聖人。到逐所在人歡迎伊、尊敬伊。

  4. 對教會:是看做伊e5生命。教會內較艱苦、較下賤e5工,伊歡喜做到週至;若有喪喜事,伊是kap人同情到透尾。Koh 真有責任感ti7教會e5事務,或是任職會、抑是小會以及禮拜日,除去破化抑是出外,  m7 bat缺席。逐禮拜日早早就看著伊笑容e5面來tehchhoa7-人,hou7人加添敬虔thang服事上帝。禮拜煞,是kap人談論信仰生活e5事。尚且ti7病床iau2 teh唸,伊若好,beh緊來修理教會e5籬巴; - an2 ni thang看出伊e5全精神是tiam3 ti7教會生活。Koh 再禮拜早起早早就招全家來禮拜,ui3過身第一叫起長老娘e5悲苦e5。就是伊講,今無thang koh聽伊逐禮拜早起teh 招大細去禮拜e5lah--

  5. 對傳教者:Gau5体貼、gau5疼痛;m7 na7 m7 bat講傳道者e5是非,也m7 bat-聽伊講別人歹。伊bat對某牧師講1句話:「論人e5好我就知, beh講人e5歹,我是be7曉。」實在thang o -lo2thang尊敬。總講,伊一生有盡教會e5職務kap人生e5使命。

  6. 梁長老是做阮本會e5大柱石,做家庭e5中心人物,做社會e5大枝光燈。實在失落1枝大枝手骨。總--是對伊本身是thang ka7伊歡喜,因為伊已經征戰好e5征戰,已經盡跑走e5路站,已經守所信e5道理。

梁長老ah--Thang講你為著教會有犧牲的e5死,對你e5死,beh造就花蓮港教會真e5基礎;阮也信你beh ti7天頂來替你早ti7地上e5教會祈禱;也對你e5死, beh教示阮較會理解教會e5真意義;阮也beh努力、用你e5信仰來勇壯;你會thag做信仰e5勝利者,向天nih e5--迦南地唱得勝e5歌歸天見天父,thang ka7你恭喜!阮也beh te3  e5信仰向前無煞;阮也信你常常teh做阮e5長老kap阮相kap ti7 leh --

 

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述