劉竹長老受選為模範母親 (1968年)

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

趙信忄恩撰 「屏東市模範母親」《台灣教會公報》1029號 1968年5月 1日 p.17

 [白話字原文,改為漢羅台文]。按:劉竹長老,1905年1月9日出生,1995年6月19日去世,請參見屏東周劉竹長老訃音。


今年(1968年)屏東市模範母親劉竹長老受揀選,是做屏東縣做受表揚的模範母親,佇母親節欲代表屏東縣,市,到台中接受省主席的表彰。劉竹長老是屬屏東教會的長老。現年64歲。佇40年前,當伊青春的24歲,伊的丈夫(周皆)就別世,守寡,貞節,踮佇信仰倚靠上帝,勇敢來栽培2男1女。伊的丈夫別世無留甚物遺產,只有靠伊的雙手做工,種豬菜,養豬來培養囝兒得著成功。

大囝周正道中學畢業後閣留日,現時猶踮佇日本經商,娶日本的太太(竹岡照子)。第二囝周正吉 台大醫學院畢業後也留日。現時佇屏東開皆生兒童醫院,醫術高明,閣gau5體貼患者,懸壺濟世,是人人所知。每日患者300名左右,可見是名醫。伊的醫生娘是王守勇牧師的千金,王美音女士,留美高級護理專科學校畢業的高材生,是做好的內助。長女周春桃女士,留日,畢業保母學校。現時做民和教會翁洞庭執事的好內助,幫忙經商。佇教會也真活動,熱心服侍主。

伊的囝兒有今仔日的成功,通講是伊的茹苦含辛勇智栽培,倚靠上帝的氣力,不斷的祈禱所得。伊做得表揚做模範母親毋但受苦培養囝兒成功而已,也是伊的信心熱心佮疼心。

伊有真堅固的信心,無論甚物困難的事,艱苦的事,攏倚靠主來勝利。對伊的信心佮祈禱的體驗,伊就有氣力時常替人祈禱,也是做牧師的亞倫佮戶珥。

伊有熱心服事上帝,佮熱心服務人。教會內外佈道會,聚會攏做先鋒,真gau5講道理予人聽,熱心教遐的求道者的白話字佮道理,時常利用中晝到真遠的 所在去教,無歇中晝,無嫌艱苦。

閣做主日學教員幾十冬攏無閬,透早就到主日學做好的老師,毋但gau5教別人,連家己的孫,4,5歲就教到會曉讀白話字聖經閣真gau5祈禱。

伊閣有疼心滿滿,真gâu體貼貧困的人,孤兒,寡婦,常常chhoa7這款的人予伊的囝免費施療。伊做到會慈善部長,做救濟工作,慰問,代禱。也籌募 貧困學生註冊費等等。

伊也是牧師好的同工,時常佮牧師探訪會友,代禱。閣gâu疼牧者,佇物質,精神,工作各方面的供應真大,予傳教者得著力量。

伊的面時常發光亮,笑容,無論社會,教會的人攏真欽仰這位聖神充滿信仰的偉人,模範母親。

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述