嚴清華小傳

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

陳清義撰 《台南教會報》294號 1909年9月 p.73,由白話字改為漢羅台文,附按語。

嚴清華(1852-1909)是馬偕的首位學生,也是首席助手,《教會史話》有多篇談他,不一一列出, 就請看250「嚴清華的身世及弟妹」及 263「嚴清華之後半生涯 」


清華亦名佛仔,伊ti7細漢e5時有入小學讀冊,家事不止散,所以到16歲,姑不將就娶某,hit年(1872年)偕牧師抵到淡水,伊就去探伊愛討看有頭路抑無。偕牧師倩伊,hit-tiap8伊攏m7知聖教e5道理是甚物款。後來漸漸得著偕牧師e5教示,就反悔改變來信主,而且洗禮入教會(1873年2月9日受洗,見《教會史話》260)。An2-ni算是北部第一個入教e5。後來偕牧師接納伊做學生教示道理,無久就去做傳道,有tiam3幾若位e5拜堂。到26歲e5時合偕牧師四界設教;到31歲就鬥教大學,做大學e5先生;到34歲有升做牧師(1885年5月17日與陳榮輝同時受封立);對hit-tiap8了後攏是tiam3 ti7淡水幫贊偕牧師料理教會e5事務;到50歲致病,對hit-tiap8了後身體較lam2,做工較少,淡薄鬥教大學合巡視教會na7-tiaN7。  

Ti7今年(1909年)5五月間合劉牧師(劉忠堅,Rev. Duncan MacLeod)去巡宜蘭e5教會,倒轉來無幾日病勢較傷重,有cho3-li7佮phui3血,宋醫生(Rev. Dr. J.Y. Ferguson) 不止盡力teh ka7醫治,總是無法tit。到6月2號過往,今年抵58歲,信主有38年久,做牧師24年。  

伊一生常常佮官交陪,官場e5事伊不止知影。Ti7 18歲e5時bat運糧去北京,有得著賞五品軍功合即補縣丞;ti7 33歲e5時台灣e5巡撫ka7伊保奏chin7 sian守備兼守南陵;亦ti743歲e5時,唐撫台(唐景崧,1838-1924)有ka7伊保奏候選知縣。到45歲e5時(1897年)日本e5政府有賜伊紳章,亦46歲做台北廳e5參事,維新公會e5教士,仁濟院e5委員,合Hoa-bin5會館e5教士。對an2-ni來看,伊m7-na7辦理教會e5事務,以外iau2有盡力鬥辦別項e5事誌。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述