朱朝來長老小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

郭朝成 記 《台灣教會報》573號 1932年12月 p.21


朱朝來長老,早前toa3 ti7霧峰庄e5萬斗六耕農。 Ti7 29年前來草屯教會,受梅監霧牧師(Rev. Campbell Moody)洗禮。 因為湖溪阻擋,較常去大里教會禮拜。 Ti7 26年前做大里教會e5執事。 後來搬徙toa3 ti7北山坑耕農。 無偌久,北山坑設教會,伊也接續做執事,續升做長老。
伊e5做人是中直,溫柔,熱心敬拜上帝,gau5做教會e5工。 伊toa3北山坑幾十年久,家庭lap8-khap8,物質方面通講是失敗,家庭散赤,婦人人失明,囝一個做勞工,一個細漢,本身代積水e5病幾若年久。 實在是通可憐e5家庭。 若是朱長老,是安貧樂道,不時笑容,無僥疑上帝,無嫌人。
這幾年北山坑教會無傳教者通栽培。 朱長老是拖病做主理,chhoa7人禮拜敬上帝,無厭倦,感心啊! Ti7 (1932年)8月9號,安然轉去父兜,脫離世間一切e5苦難,福氣啊! 留失明e5長老娘kap兩個囝。 願主祝福伊e5遺族。

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述