吳傳道娘莊端小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

「小傳 故吳雞母先生娘去世」編輯室 《台灣教會報》532卷,19297p.8-9  

吳文彬土名雞母傳道娘莊端 生於18629 15日,歿於192943日,享年68歲。

有子吳從新傳道,女吳恩加適鄭溪泮牧師。請參見《教會史話》371 傳道吳雞母及其妻


先生娘姓莊,名He5 (端)。Ti7 1862年9月15日出世ti7羅東庄,到15歲toe3老母來信道理,所屬e5教會是吉貝耍。Ti7 1880年12月5號對施牧師(施大闢Rev. David Smith)受洗禮入教,聽道理頭尾5年就入聖會。到20歲嫁hou吳文彬(土名雞母)先生,對hit時起盡力幫贊先生、利益教會、致意教姊妹bat聖經,hou7大細尊貴卑賤e5會友好親近,ti7濟濟教會有經過窘逐kap會友犯罪e5苦心,總是攏無餒志,反轉那向主基督。身軀較艱苦也拖命教姊妹學字母、讀詩、讀聖經,實在無輸1個女學e5卒業生。

今伊有經過e5教會,就是嘉義、木柵、柑仔林、吉貝耍、加吶埔、柑仔林、岡仔林、岩前、鳳山、澎湖(媽宮)、烏牛欄、彰化、阿里港(里港)、柑仔林(就是溝坪)、鳳山、茄苳仔(西螺)、牛擔灣、萬丹、鳳山。到先生壽終e5時有koh kap伊e5子從新(幼名德枝)先生koh去幾若間教會,就是岡仔林、木柵、岡山、彰化、頂山腳,今年1929年4月3日ti7頂山腳教會別世,享壽68歲。現時伊e5子婿(鄭溪泮)kap查某子(吳恩加)也ti7里港擔當牧師e5職。伊e5內外孫13個。

論伊做人ti7社會有和平、有吞忍、熱心疼主,勤儉、樸素。Ti7教會會友真疼伊,伊也真疼in拜堂內外清氣相。逐禮拜真早起來,備辦逐項好勢,來伺候姊妹beh thang kap in交陪,續順機會教in bat白話字,肚腸寬闊,m7 bat kap姊妹加話,不止會囥話,koh伊e5房間門m7 bat鎖,開出開入;chhin chhai2姊妹抱囡仔去歇睏,雖有破病伊也無嫌,無驚e5樣相,甚到un-thun ti7眠床,也歡喜bi7 si7,雖姊妹teh iap eh,伊就安慰伊,所以伊所toa3 e5教會姊妹kai3齊來,因為伊也常常eh去chhoe7 in到in厝kap伊交陪。這thang做証傳教者e5模範。

Ti7 4月21號,聖日頂晡9點tiam3傳道吳德枝(就是吳從新)e5次女吳氏玉珪,ti7頂山腳別世,享壽21歲。對女學卒業倒來,真熱心為主做工致意教主日學,ti7屏東醒世社倒來,伊也拖命鬥教幼稚科。現beh死lah,也欣慕 ai3去澎湖傳教,為著伊有大大幫贊我e5工kap伊e5有孝,hou7我kap伊e5母掛心be7斷,吳德枝流目屎寫e5。  

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述