傳道周示小傳

潘道榮 「故周示先生」《台灣教會公報》 464號，1939年1月

周示先生是台中州鹿港人；出世ti7明治25年（1892年）8月2日。父母早過世，較無thang受教育。細漢e5時，有入書房研究漢學：不止gau5作漢詩。青年時代有學淡薄國語（日語）；續志願做巡查幾若冬久。離開官界了後，就入ti7商界，開洋彩店真久。不幸伊e5元配別世ti7 hit一時。有留一個查某子，一個後生。Ti7che時陣，精神真受扑擊；佳哉有得到基督福音e5教示，就反悔來信主。信主了後，就決心beh獻hou7主，才志願入台南神學校。所以1918年，就入神學校。4年久，受校長故宋忠堅牧師（Rev. Duncan Ferguson），教師故黃信期先生，牧師故河野（政善）先生e5栽培；ti7學中殷勤勉強，好品行，親切好交陪。伊e5性子較tiam7,總是朋友大家攏尊敬伊。在校中，bat 鬥幫助太平境看西街e5日曜學校（主日學）e5工。到1922年3月就卒業。Hit壹年e5同期生：陳鹿，盧賞，吳天賜，兵明昌，林朝坤。

Ti71922年4月初，就受傳道局派伊去toa3澎湖大嶼教會。像hit時，伊有koh娶岡仔林教會e5姊妹蕭氏皮（phoe5）先生娘就kap伊去toa3 ti7 大嶼作工3年外久。大嶼 e5-拜堂，是伊鼓舞來新建築e5。〔Ti7 1924年3月，教會報第12面周先生有寫一篇大嶼教會e5消息anni2-講：感謝上帝開路，有滿牧師替阮tui3新樓e5牧師kap先生，姑娘，以及台灣e5教會提500箍來幫助阮koh起新拜堂〕。

到1925年就轉任過來台灣，toa3 ti7清水教會一年，大社教會一年，木柵教會一年久。Ti7 1928年換去toa3嘉義中會內e5 新巷教會；也ti7 1929年轉去台中州e5竹山教會。到1930年換去ti7彰化醫館toa3 4年久。就koh轉勤去toa3 寶斗教會兩年久。到1936年，傳道局有ka7伊換來toa3 ti7台南中會e5岡仔林教會，到伊別世。

Toa3岡仔林教會卻只有3年久，總是不止盡本分料理教會。在職中bat手術盲腸炎。到好，就koh較出力ti7伊e5職務。今年因為體貼岡仔林教會財政較困難，有去兼南化教會。在來伊e5身體無夠偌勇，iau2 ku2-為著教會歡喜-an2 ni犧牲。最近常常發寒熱e5病Ti7（1938年）12月7日，有出來台南beh設法ka7伊e5後生結婚e5事，kap beh參詳明年度教會進行e5要務，無扑算出來 到路中身體無爽快，到位隨時入新樓醫院，伊e5第2查某子（周西戀） ti7 hia-做看護婦，利便thang照顧。醫院e5醫生，看護盡力來ka7伊療治，不料上帝e5旨意已經成，就12日e5晝倚一點hou7上帝揀召轉去天頂，享壽48歲。

伊e5大查某子，有出嫁，ti7兩年前過往。現在iau2 chhun伊e5先生娘kap 4個後生，4個查某子，較濟iau2細漢。向望列位兄姊替伊e5遺族祈禱。此去先生娘e5生活是艱難；教會所有thang幫助伊e5,是小khoa2 na7 tiaN7-。

Ti7（1938年） 12月13日e晡5點，有ti7台南市東門基督教會舉行葬式。Hit日（tu2好南大常置委員會聚集） 葬式e5順序：

司會者：周榮安牧師  奏樂：賴女傳道。

聖詩：（138）

聖冊（提摩太後書4：1-7）：黃主義-教師

祈禱：王倚牧師

個人履歷：施鯤鵬牧師

說教：潘道榮牧師

弔辭  南大（南部大會）：劉振芳牧師

  高中：張純恩牧師  嘉中：林謹慎牧師  中中：王守勇牧師

  其他：戴返牧師、劉忠堅牧師、神學校代表

弔歌：神學校朋友

遺族答辭

聖詩：（133）  祝禱：劉振芳牧師

論先生e5做人有三點，thang做好e5模範：

1）      樸實：伊一生e5生活，逐項都是樸實。對社會，對教會，對家庭，攏是像一樣e5樸實生活。Ti7現代複雜e5社會，會thang經過這款生活，不是容易。Thang講是對頂面所賞賜伊e5特質。

2） 忠實：先生卻不是大博學，iau2 ku2對伊e5職務有忠實。伊bat對記者借自卑說教e5材料去參考，然後講伊有得到非常e5教示；thang知伊對傳上帝e5話，不敢隨便，因為ai3做主忠實e5奴僕。傳教者對說教若失敗，就雖然其他親像成功，也boe7 thang講是成功， koh較be7 thang講有忠實ti7伊e5職務。先生雖然身軀無夠偌健，iau2 ku2一切受交託e5教務， m7敢無忠實去做。

3） 切實：對身體是誠實，所以凡事就有切實ti7 teh。伊e5性子是溫純恬恬，總--是萬項是tui3重實際koh適切。殷勤研究，切實奉侍；這是先生e5特長。

寫到這beh煞e5時， ai3 koh講幾句來做結論。先生一生雖然無做啥大chhut tioh e5代誌，也無啥出名，iau2 ku2鄙人好膽講伊是一個yoe3主到死，上帝e5奴僕。實在伊會堪tit親像保羅先生唱得勝e5歌轉去天頂講： “我已經爭戰好e5爭戰，已經盡跑走e5路站，已經守所信e5道理。”