牧師的苦樂 淡薄的感想
 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

蔡椪撰《台灣教會公報》970號 1965年11月 p.19

蔡椪牧師在台牧過的教會有過溝 (嘉中),大里(中中),頭社, 善化,中洲, 安順,苑裡,新市等 (南中),1965年8月底辭任退休。


得著公報社的好意, 愛我寫淡薄消息,所以m7敢推辭就答應好。

佇chia 愛寫淡薄過去e5感想,來表感謝kap數念。我佇8月底,有對教會申請辭任 kap退休。因為年歲已經滿老,愛讓hou7少年輩的同工去活動,koh繼續一個新活命。記得所歷過的教會共有8所在:過溝 (嘉中),大里(中中),頭社, 善化,中洲, 安順,苑裡,新市等 (南中)。真感謝上帝的恩典kap幫贊。Beh踏入教界的當初,真膽寒,���掛心,想講:我這款chiah-nih teh 頇慢的人,beh怎樣來做工,來領受這號重大的任務ah? m7知做會thang 上10年抑boe7?結果,到退休約43年的日子。實在真感謝上帝kap教會���及���愛各位同工,真大的疼痛,幫贊chiah會得an2-ni。

會記得每擺若beh���就任;就事先有一個聲到我的耳孔,講你beh去的教會是真冷淡,會友鬆���,禮拜無幾個,經濟到極困難。老實講:boe7免得會hou7心膽 寒,驚惶,總是微僕信靠主會相kap造工,就好膽進���,無忍-neh。 Toa3了會友有受招呼,大家和諧,教會就熱,奉獻踴躍,教勢順利,心受安慰,工作繼續,攏是��的力量來達成的。

回想toa3的所在,有時beh探訪�����友,庄社開闊,koh真遠,路途kham5-khiat8, koan5-ke7,崎嶇, 去倒感覺真thiam2頭,真厭倦,總是對會友的親切,好勉勵,快受苦勸,品行可取,就心喜樂,soa3-boe7記得一切的疲勞甘苦。 記得一擺佇大里教會的時陣,我第二的細囝,染著真嚴重的胃腸病(落 kap 吐),約成禮拜久,食藥, 注射攏無效,想攏無法度lah,就全家的人迫切對上帝祈求。隔天光禮拜早起,beh抱去台中hou7小兒科看,忽然tu2著一位m7相識的朋友介紹一項極粗俗,m7-chiaN5物的藥方,就倒轉來拜堂,只有用hit項hou7伊食,就順續好起來,經過兩日好li7-li7,這kiam2-m7是上帝的作為kap權能mah?

1945年年3月1日下午,佇苑裡教會的時,盟軍內外空襲,我有一個細囝 kap 幾-na7的主日學學生去台南讀冊,當佇空襲的時,teh掛慮,懇切替in祈禱。到soah, 招兩個父兄beh去探消息,soa3-chhoa7 in tng2來。Tu2-tu2開始出發,soa3看見in 幾-na7的對喜樹的路直直teh行倒來,就滿心感謝主的奇妙的疼痛,

保守細囝的性命,佇危險中得著安全。當佇戰爭中; 逐日to是戰鬥機來teh 空襲,掃射,微僕以外,家族攏疏開去toa3 佇玉井豐里婦人人的後頭厝,我3禮拜久連連佇防空壕睏,厝邊的人好意鼓勵我講:著soa3疏開 khah好。我想,若果真疏開,放教會kap 會友beh 按怎? 微僕將身軀kap靈魂交代主,一味吞忍,Ng望有thang安慰教會kap會友。不論如何的局勢,若會thang榮耀主的名,一切攏無要緊。。

戰爭beh結束的2,3月日前,下晡時,有一個姊妹身koan5-lo3-lo3,來chhe7我坐,真gau5做,soa3帶12粒的鴨卵來送我,soa3 ka7我講:聽講濟濟教會著作製會友的名冊交官廳,m7知咱chia怎樣,交了抑be7 ? Na7 be7,請將我的擦起-來!Hit時聽了,hou7我的心12萬分的艱苦,我kah伊莫得驚只著信。親愛的姊妹ah,主kap咱相kap 佇-teh,若m7 是主的旨意,一支頭毛也boe7致到拍失落。Na7果真著到 hit個極步來講:咱的福氣是極大。咱的主講:會害死身軀,boe7害死靈魂,m7免驚,thang 驚的,是會害身軀kap靈魂落地獄的。你著受安慰,khia7在佇信,作勇健,作大丈夫,hit時kap伊相kap祈禱,看伊的款,真滿意轉去。

戰後的景氣大變遷,物價無安定,日日to是波動,一斗米幾na7千箍,一雙鞋成千箍,菜蔬大起價,生活大受打擊; 致到濟濟主的工人著去兼職教冊,抑是做別項來相添維持逐日的所費。微僕 hit時啥款?有親人鼓舞著去toa3郵局,有親人推薦我著做藥商,講執照便便thang 開業,有朋友鼓勵我著去魚行鬥幫忙,thang得寡經濟,添頭thiap尾; in攏是對我抱真好意,體貼我的困苦,我寫批ka7 in說謝。感謝上帝,贊我hit時的心境自在,想講主耶穌佇世間的時,過無掛頭殼的所在的生活,我是伊的學生,koh khah 著甘心忍耐經過清苦的生活,m7-thang中途隨便為著這款情境就放-soah這寶貴救人的一份。所以我就好膽無驚惶,專職來求主做及時幫贊來迎接頭前的路

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述