烏牛欄潘式斌長老小傳

謝木強記「潘式斌的小傳」載於《台灣教會公報》629號-1937年8月.p.18。原文白話字，譯為漢羅台語。

按：潘式斌(孝希)的父親是潘阿為，母親潘蚋汝。文裡( )是LES所加的。

伊(潘式斌)bat做巡查15年久，後來轉來厝裡作穡。佇教會有當職濟濟年，bat做執事，也bat做長老。伊有兩個後生(大後生潘斗肉)，5個查某囝；現時內外孫30個。伊的大(查某囝潘蚋下)囝婿佇六甲做醫生，名施子格；已經別世。伊的第二查某囝佇六甲做產婆，伊的第三查某囝kap丈夫佇岩田組teh趁食，伊的第四囝婿佇台灣電力teh奉職；第五(查某囝潘月娥)囝婿佇高雄teh做醫生，名顏蒼淮，博愛醫院。

論伊e5做人真忠厚，對道理真熱心，真可取。佇病床的時，鄙人(謝木強)常常去探伊，看見伊身邊不時一本聖經。雖然倒床真久，be7起來，猶久學約伯的款，忍耐艱苦，常常看聖經，祈禱。也有志願上帝若beh koh留伊的生命3年久，伊beh夫婦相chhoa7出去干證主的名，到hou7全庄的人大家攏bat道理。總是上帝的旨意已經成，soah伊的著磨，hou7伊永遠安息。大ng3望伊的囝孫學伊的款，不論甚物境遇無放栜主。