光輝的故事

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

光輝e5故事 (tui3蘭醫生娘e5 More stories from Formosa翻譯)。收載於《台灣教會公報》582、583 及584期,1933年9-11月。 按蘭大闢醫生娘連瑪玉(Marjorie Landsborough)著 More Stories from Formosa 的第6章 (收錄於原書 p.60-73),題 Bright,楊士養譯為「光輝的故事」,是黃文章的故事(請注意,此並不是全譯)。黃文章的父親名黃呆錢,人稱「歹錢伯」,母親吳阿市,二人於1919年7月27日由蘇育才牧師領洗,時夫婦均為29歲。夫婦育有6男5女。黃文章於1922年10歲,因患病而導致聽障,經蘭醫生醫療,再由蘭醫生娘設法就讀盲啞學校,後習做皮鞋的技術,得能生活。他後來娶潘淑美(埔里人,彰化醫館護士)為妻。 LES  

光輝(Bright,黃文章)出世ti7彰化一位信徒e5家庭。伊e5老父是做木工(carpenter),名叫PhaiN2錢(Bad Money,呆錢),老母是真誠實深信e5女徒。光輝6歲e5時,伊e5老母chhoa7伊去讀主日學;坐ti7椅條,腳in-tin來聽先生e5。有一個禮拜日,先生ka7伊講,耶穌是木工,光輝講,「佮阮阿爸相像。」8歲e5時,伊去入公學校。伊tui3起頭就真ai3讀冊;真敏捷,也巧,厝裡e5工課也做真好勢。Ti7主日學逐個真疼伊,常常h³人揀ti7„祝聖誕e5時,來吟詩a2是閱唸。
Ti7 1922年4月尾,就是光輝10歲e5時,伊有抵著破病。伊e5老父請蘭醫生去in tau看伊,就隨時chhoa7伊來入院。醫生驚了伊是重病,到5月初2,所驚e5事果然實現。光輝染著腦炎(brain fever),醫生隨時報官府,in就來封hit間病室,因為chit款e5腦炎是phaiN2症,也是傳染病。TaN為tioh光輝e5性命teh拚生死。伊e5老父不時佮伊ti7-hia,以外ti7 chit-e5 teh掛慮e5規禮拜間,只有是蘭醫生佮醫生娘有看伊若定。破病中攏無看護婦去顧伊,總是無人e7比光輝e5老父較溫柔,較gau5顧伊,暝日佮伊ti7-hia,m7-bat離開伊身邊。Hit中間伊e5老母佮較細漢e5 tiam3 ti7厝裡;醫生娘逐日去報伊知光輝e5經過。有一擺真oh得tui3伊e5老母講;因為驚了光輝beh離開世間,雖然伊e5目屎掛目墘,iau2-ku2無出怨言,不過應講:「耶穌若ai3召伊,我的確著歡喜。」經過goa7濟日,醫生娘有報伊好消息,「光輝e5危險期過了,taN be7死lah。」伊e5面真歡喜,笑gi7-gi7講:「感謝上帝。」總是可惜有看見thang煩惱e5症狀。光輝有koh復到知覺,m7-ku2阮佮伊講話,伊聽be7明,阮著用大聲ka7伊講,到後來著用嚷,伊才有聽見。醫生知伊較大面會抵著thang煩惱e5事,就ka7伊e5父母講,到路尾伊攏無聽見。無論阮loa7大聲叫,無一聲會透入光輝e5耳孔。醫生知伊永遠變臭耳人lah ! 五禮拜e5路尾,m7免koh tiam3隔離室,PhaiN2錢chhoa7 chit-e5瘦瘦koh面青青e5囡仔倒去in厝。伊坐ti7細塊竹椅來看小弟小妹thit-tho5。伊常常ai3講話,也特別真向望aikoh3去學校讀冊,講:「Theng3候我e5耳孔若好le3(**leh)。」伊e5面色青白真瘦,阮m7敢hou7伊伊知伊e5耳孔無向望lah !
7月,阮beh去淡水頂山邊e5細間厝仔歇熱。光輝hou7一個真勇e5 ku-li2äiN到阮e5草寮,來khng3 ti7 走馬路。伊suh著山裡涼冷e5空氣,koh看-見ti7伊e5面前有開闊e5好光景,精神就真活動。Hit幾禮拜間,ti7山頂有hou7光輝真大變換。抵仔到位e5時,伊lim2-lim2-a2會行,因為伊e5腳真瘦koh細支,總是無loa7久伊會佮大弼(蘭醫生e5)去山裡跳來跳去,挽百合花,造城牆,jiok尾蝶,掠蝦仔。倒來就起火來煮蝦仔,khng3 ti7桌頂食暗頓thang配。Chit兩個囝仔真好交陪,真親密,向望會做一生e5朋友。逐日in攏有課程:--- 光輝算賬、寫字佮畫圖,也有讀幾若站e5聖經,chit霎有會伊猶會唸得。真thang感謝,因為未臭耳人e5代先伊已經bat耶穌ti7伊e5心內。食暗了,大家圍lui5來做禮拜,逐暗有照輪流祈禱。光輝祈禱講:「上帝ah !
求你hou7我e5耳孔會thang koh聽見,若無,我ti7 chit世間,就做無路用人。」醫生娘聽見an2-ni,就嚨喉管tiN7。In倒去彰化了後,光輝就轉去tiam3 in厝。因為無thang koh去學校,除去顧小妹以外,攏無做甚物。所以真厭倦,面e5榮光走了了lah ! M7-na7 an2-ni,ti7 in四圍hiah e5未聽道理e5囡仔,boe7曉可憐,反轉ai3 chhong3-ti7伊,hou7阮大家真憂悶。因為an2-ni,醫生娘就探聽台南盲啞學校。得著好消息,才問伊e5父母看歡喜hou7伊去a2無?In自然真歡喜。醫生娘就用紙寫hit e5意思報光輝知。真歡喜,因為koh再看見光輝e5面笑gi7-gi7!然後就寄入學願。有得著允准入學。到時醫生娘chhoa7伊去台南。校長真好禮chih接in,吩咐學生著好款待光輝。伊代先入一年,m7-ku2因為伊ti7彰化有讀公學校三年了,比平常盲啞學校e5新入生有較贏,所以liam5-piN升上二年。
光輝tiam3學校好勢, 就真歡喜,也liam5-piN得著眾先生e5 o-lo2。學校干單伊拜上帝,早暗伊m7-bat無讀聖經佮無祈禱天父。逐頓食飯也感謝。禮拜日得-著先生e5允准伊,tiam3 ti7長老教中學伊e5表兄有來chhoa7伊去赴主日學,後來入拜堂坐,作伙禮拜。光輝雖然無聽見半句,iau2-ku2伊ai3佮人安靜拜上帝。
-----------------------------------------------------------------------------------------------
Ti7 1924年,醫生娘in倒去英國歇睏(休假,Furlough);有一暝昏ti7一間拜堂(在St. John’s Wood Church)講起光輝e5代誌hou7人聽。講了hiah (屬the Sunshine League) e5少年人liam5-piN teh問ai3出伊e5學費。Tui3 hit時以後,in有看伊做好朋友來出伊e5學費到卒業,(就是1928年4月)。醫生娘有落去赴卒業式。學生排列ti7大間講堂,青瞑e5一旁;啞口佮臭耳人e5一 旁。人tui3台頂講話beh hou7 青瞑e5聽,也一個gau5 e5日本女先生通譯…用指頭仔比hou7臭耳人佮啞口看。台南州知事佮其餘e5大官也出席,koh有真濟內台e5紳士淑女去赴。光輝做學生 e5總代讀國語e5答詞,也續做代表領卒業證書。
先生真o-lo2光輝,ai3伊kohtoa3 hia較久,來學刺鞋,到成功。Tui3 an2-ni就參商,hou7光輝放假了koh去學校。伊無koh讀-冊,不過規日熱心ti7伊e5手藝。
伊常寫phoe hou7伊e5父母佮醫生娘,有一擺an2-ni寫:-
寫幾字寄hou7所疼e5阿爸,平安。真久無寫phoe hou7 lin2,因為我真無閒 teh刺鞋。近來我不止有進步ti7我e5工,我真歡喜,m7-ku2我iau2-be7攏總會, 所以我iau2-be7 thang倒來toa3 厝裡。我若逐項會曉,我就beh轉來厝裡。總是阮先生有ka7我講,若beh家己開一間鞋店,著ai3倚
500 khou。設使若無hiah濟,就be7-thang做事業。In ka7我講an2-ni,我真煩惱;總是咱e5聖詩有講,「的確m7-thang常常失志,著將逐項來祈禱。」(We should never discouraged, take it to the lord in prayer,) Tui3 an2-ni我e5心就平安,逐日祈禱,向望時若到,上帝beh替我設法。」
我常常替lin2 ti7厝裡祈禱,你tui3上帝有誠實無。你有讀聖經逐日祈禱無?你若無,我就真憂悶。請你寫phoe誠實ka7我講,m7-thang騙我。A-pa,幾若日前,你有寄餅我,餅到位e5時,真iau,無一點鐘久,我就 食了了。Hou7你真多謝,你若猶有錢thang用,請你koh寄淡薄來hou7我。我teh做工e5時,我ti7心內siau3念耶穌,是我e5至好朋友。
1927 年 6 月 24 日,你e5無路用囝, 光輝 寄。
Lin2 kiam2-chhai2會淡薄奇怪,伊tui3 in老父所講e5話;總是伊e5老父攏無受氣。光輝是in父母e5目睭e5光,也in老父不止熟,知受迷惑致到be7記得祈禱e5事。伊幾若擺ka7醫生娘講,伊基督徒e5生活,tui3伊e5囝e5模範,有得著真大幫贊。論伊e5老母卻是真深信,真堅固e5人。伊e5大囝光輝有toe3伊e5腳步。
光輝e5祈禱有得著允准。Ti7英國(Sy.John`s Wood)e5朋友用疼e5犧牲,有募集250 khou(原文是25磅)beh hou7伊買一張做鞋e5針車(sewing Mchine),像hit時英國(Trinity,Harrow)主日學也寄200 khou(原文是20磅)來beh hou7光輝。伊用真歡喜,真感謝e5心承受chiah e5賞賜。光輝稅一間店 仔,買材料佮椅仔,也買做鞋e5針車。伊liam5-piN刺兩三雙來排ti7店內細e5玻璃櫥。後來醫館e5職員有去ka7伊注文。牧師佮別人也有。Chit霎光輝teh經營chit kham2店。若m7是tui3英國chiah e5囡仔e5疼痛,的確be7得thang an2-ni。
咱知光輝佮伊e5父母e5心穩當滿滿歡喜,永遠無be7記得。
譯者附記:
Chit chan5事有兩項真好e5教示:---
(1) 深信e5祈禱有大功效。
(2) 英國主日學e5學生歡喜幫贊未bat見面e5囡仔朋友。這thang做咱眾主日學學生e5模樣。  

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述