三年運動特記 1937年10月

蕭樂善 報《台灣教會公報》 631號 1937 年11月 p.27《北部中會》141號 原文是白話字。

1. 時代的勞碌。教會欲有健全的發達，的確著對讀，對研究。總是今仔日的教會員不止欠缺研究心。熱心是愛省工，省費氣，省想的熱心，這款的熱心的確袂徹底，也袂進步。對奮興的熱心，到今仔日啥款？已經冷淡，也有的咧冷淡，這毋是冷，是發展無路的熱心。人若有研究心，愛進步的心，不時有熱心；也伊熱心會進步，會較實在。咱干焦熱心佈道，也無熱心佇研究聖經，這是奇怪的熱心。

今仔日咱第一合時代的勞碌，就是靜靜搜揣聖經。檢采咱一時袂通有大的研究心，猶過也著那鍛鍊，逐个有讀佮想的力，予咱的時代緊入佇新的時代，一層的進步。

2.  (1) 本部所咧備辦的「通信聖經學校」猶未便。無久會寄予各區。

     (2) 各區的通訊員，請將消息報告本部。

     (3) 各區的會計若猶未寄所負擔-的，請趕緊寄予瑞芳卓恒利氏是。閣一擺拜託。

     (4) 因為防衛的工，大家較無閒，請獎勵聖經研究，個人傳道佮文書傳道。