彭根姆張鉛小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

陳秋廷「小傳根姆」《台灣教會報》367卷,1915年10月,p.11-12。詳請參見《教會史話》170 根姆張鉛之生涯。
張鉛(1830-1915),先適洪烏番,後為傳道彭根之繼室,根沒後就在鹽埔教會事奉25年。

根姆姓張名鉛,是阿里港(里港)e5林仔庄人,出世ti7主降生1830年5月30日,19 歲招丈夫(洪烏番)是作穡人,到28歲搬來阿里港改做生理。
根姆對會知人事就真虔誠服事佛,每月e5初1、15買真濟金香紙燭,來燒hou7 hiah-e5佛。為著an2-ne趁錢無夠了,致到散phi2-phi2。又koh m7 na7 an2-ne所生e5子、查某子幾若個,長短長chhiam死到無半個。雖然tu2著hit號重災厄,總是服事佛e5心攏無變換;猶原是儉食teh燒金teh孝敬。有1日伊孝敬hiah-e5佛仔e5時,tu2好有1 個姊妹號做元嫂來chhoe7伊thit tho3,本底是真知伊e5情形,今koh看見伊這號情境,就ka7伊講有1個創造天地萬物e5上帝;伊是真神,chiah e5佛仔是柴刻e5,be7保庇人。這兩句話去糊ti7根姆e5頭腦,對an2-ne定定想,想了明白,就決心歸誠上帝,liam-mi就將hit 17仙佛仔kap hiah-e5 木子仔做一下hiat落灶空去sah8豬料。續引chhoa7丈夫來信主,丈夫後-來也當教會e5職。Hit時是李牧師(李庥,Rev. Hugh Ritchie) teh巡教會,牧師娘教伊bat聖經。
到32歲丈夫死,無半個子,留根姆孤身,35歲才koh改嫁彭根傳道先生;有toa3幾若個教會,也有得著上帝賞賜1男1女。到43歲e5 時先生就轉去天堂。根姆就ti7東港開瓷仔店,3年久hou7火燒3擺,對an2-ne就想著in往過toa3鹽埔e5教會,現時若親像羊母牧者,就將2個子1個(男約瑟)送到中學,1個(女利伯加,別名賀年,又作鶴年) 到女學,單身就去鹽埔,招呼鼓舞人修理禮拜堂,引chhoa7人服事上帝。Koh伊e5平生gau5 kap tu2著死失憂悶e5人同情,也真gau5克己体恤艱苦歹命人。Koh不止ai3講道理hou7人聽,無論親情朋友,相bat m7相bat,見人就報揚上帝e5恩典。這是我bat kap伊toa3像禮拜堂1年久,親目看見親耳聽見才知。根姆toa3 這個教會計共25年久。Ti7今年新曆3月21日就過往,享壽75歲。今伊e5工明白,福氣也toe3伊。
僕簡略寫chiah e5是beh hou7列位兄姊知,咱逐人攏有親像根姆受邪魔苦毒。上帝用恩典提拔咱出魔鬼e5權勢,所以著學根姆e5熱心來報答上主拯e5大恩,應該見人著報揚e5名。

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述