故卓道生的小傳

 

 首頁/  English / Japanese Entries/ 本土信徒 / 史話 / 家論述 / 宣教師 / 外國神父修女 / 原住民 日人列傳 / 賴永祥著作 馬偕周邊 / PCT/  劉家雜錄

戴榮旋撰《台灣教會公報》582 19339 p.9-11

按:傳道師卓道生(乳名大昌, 1859-1933),拔馬(左鎮)出身,前清秀才;《教會史話》有多篇談及,如144 卓加弄家譜,、360 傳道卓道生的履歷,、376 奔走那前途的路程 (講道)、380 卓道生述大學之始、378 談打狗傳道養成班卓道生是卓加弄之子;道生娶蕭謹為妻育12女,男卓良(基良,妻莊豆鹽,長女卓美適胡再享,次女卓甘適郭孟揚蕭謹亡,再娶林快;卓良生52女,卓榮祥是其四男 (參見懷念先父卓榮祥牧師


先生乳名大昌。 出世ti7 A. D. 1859年(安政6年)117日;死ti7 A.D. 1933517號,享壽75歲。 是左鎮教會e5傑出。 帝國領台以後,改名道生。
Tui3
細漢就伶俐聰明,予濟濟先生kap朋友所器重。 Tu2著故甘為霖牧師去巡左鎮教會e5時,看著先生有不俗e5才,就苦勸先生e5老父著予伊讀冊。 13e5時,去木柵e5教會kap傳道師故吳���智先生看伊e5好才調,就舉薦伊入中學。 受校長甘為霖牧師e5疼惜,chhoa7伊去廈門讀冊。 故李春生長老,就是伊彼時e5同窗友。甘牧師看伊的做人,毋旦才調好,�����問進步,閣看伊不止溫柔,有禮數,罕得看伊有受氣e5面容;就鼓舞伊入台南神學校。

先生23e5時就畢業神學校,受拜命做台灣南部教會e5傳道師。 受派去toa3 ti7 阿猴街(屏東)教會,兼任加吶埔。 先生不止活動gau5做工,予會內,會外個人所呵咾敬重。

先生33e5時,應前清考舉e5試,成績優秀,就中秀才。 後來為著都合上,有辭職轉去料理家事。 雖然毋是現任e5先生,猶久不止致意幫贊教會。

後來閣出來教學兼傳道,列任山豹,溝坪,木柵,崗仔林,善化。 不止盡力經營,教會興起,這濟位e5教會伊捌toa3幾若擺。 Ti7溝坪kap山豹有鼓舞起新拜堂。不幸ti7 1916年,先生娘ti7台南過身。 Ti hit時伊e5身體較 lam2,較失志,佳哉ti7 12年前有閣卓林氏快女傳道來照顧伊。 Tui3 hit霎毋旦身體較勇,精神較活動,就kap先生娘做半義務e5傳道ti7新市,安平,歸仁北,白沙墩chia e5所在,tui3 in e5盡力,教會得著興起,加添人額。

Ti7舊年告老轉來新化。 年歲雖然濟,若是不止對重衛生,逐早起4點外鐘,就去四界體操,吸收新鮮e5空氣,致到伊e5思想kap動作,無較輸少年人。
不幸ti7(1933)4月起肺炎,雖然經過真濟名醫,盡力療治,毋過上主e5旨意已經成,愛煞伊世間e5著磨,就ti7 517頂晡2點半,笑笑kap主作伙去享受永活。

Ti7 527號下晡一點,ti7新化拜堂做告別式,埋ti7台南岡山。

彼一日e5會葬者,牧師4个,就是滿雄才,黃俟命,盧賞,戴返(戴榮旋),以及台南日本基督長老教會三個代表來讀弔辭,攏共兩百四五十人。 弔辭kap弔電,弔片40外通。 實在真盛況。

伊的老先生娘(林快)現時卻猶勇健,擔當善化教會e5女執事。 e5公子卓基良先生,早前捌教彰化kap台南太平境教會e5小學真濟年,現時就職ti7新化軌道會社。 e5大快婿胡再享牧師,現時退任ti7土庫。 第二快媠郭孟揚訓導,現時奉職ti7台南末廣公學校,也是日基(日本基督教會)e5長老kap主日學校長。 新婦kap兩個查某囝(卓美、卓甘),攏是有名e5產婆(助產士) 內外孫共20个。 通講不止得著上主e5ti7e5 遺族。 深願伊e5遺族閣較gau5 toe3e5腳步,來奉事上帝e5聖會。

照敝人所知,老先生有幾若項通做咱e5模樣,kap予咱數念:

  1. 致意禮拜。 我看濟濟宗教家,一下辭職了後,比會友閣較無對重禮拜。 若是老先生除去破病以外,罕得無kau3拜堂禮拜。

  2. 愛講道理。 有宗教家辭職了後,就無愛講道理,伊以前teh講道理,若準是為著彼28箍。 若是老先生不時找機會講道理予人聽。 捌共伊e5先生娘講:「戴牧師真細貳,thai3攏毋捌欲請我講道理。」 老先生娘來teh學予我聽,我共伊講,是體貼伊hiah濟歲,所以毋敢請伊。 老先生娘共我講:「無要緊,伊現時當熱,不時看聖經祈禱,真愛講的款。」 我共伊講,若是按呢,我若欲去巡教會的時,chiah來請伊。 無論是甚麼時請伊,伊攏毋捌推講:時間傷逼;不時歡喜講:若有欠用,請你免細貳。為著伊的熱誠,常常禮拜幾若點鐘久猶 teh講。 後來我共伊講,你的道理真好,人真愛聽,可惜講傷濟,人soa3 sian7,致到感化力少。 伊毋旦無受氣,反轉歡喜。 以後攏有照時來煞。 今老先生死,我若準折一支手骨。

  3. 關心佇教會。 欲死e5時,叫李照耀長老kap 基良先生以及我,去伊e5面前講遺言。 將伊e5園兩筆共96 厘兩毛7e5縛耕權6年久,讓與予財團法人,欲做新化別日起新拜堂e5路用。 一年縛人約80箍。 又閣吩咐伊e5囝逐年著替伊出一車粟ti7教會做經常費。

 

 

 

 首頁Home/ 本土信徒總檔 / 教會史話總 / 宣教師人物總檔 / 外國神父修女列傳 / 日人列傳總檔 / 原住民信徒 /  諸家論述