大甲長老陳開丁

「葉金木撰 「數念過往熱心e5信徒」《台灣教會報》493卷 1926年4月 .p.8

按：陳開丁，[1853年生]，1925年9月16日去世，享壽73歲。曾任大甲長老教會長老。  

伊(陳開丁) 是toa3 ti7 大甲頂店。對細漢到老就是漢文家e5讀冊人；對少年到老就是教書。伊kap陳其祥長老是做好朋友，18年前有受陳長老引chhoa7 來得著道理。對得著道理了後就深深研究聖冊，就不止熱心ti7教會。伊若無tu2著非常e5阻擋罕tit無赴禮拜，逐禮拜kap 1 個叔伯小弟(陳)萬順伯攏第先到。伊也有擔當長老1任*，可惜伊e5子攏be7得著道理。伊e5做人真老實古意，bat 伊e5人攏o-lo2伊。不幸ti7 9月14日忽然起腦溢血e5病，到16日就過往，享壽73歲，18日出葬。Tu2 tng7陳瓊瑤牧師轉來，續參加葬式，會內會外不止濟人ka7伊送葬。

 *任期待考。1911年，大甲教會傳道師鍾亞妹，長老陳開丁、陳其祥及宣教師劉忠堅(Rev. Duncan MacLeod)等來苑裡佈道，1912年9月20日設講義所，在苑裡街陳貴心之厝聚會。